As ek moeg word vir die lewe in die stad,
En as als net te veel lawaai,
Dan wil ek net ver weg wees van alles
Iewers waar ek die gewig kan aflaai.
Ek wil vars strome sien en watervalle,
Berge tussen die wolke en kranse so hoog.
Die reën wat val op die groen velde,
En wild wat wei onder ‘n reënboog.
Dit is asof natuur jou mens weer genees,
Jou snye en wonde als heelmaak.
In die volle teenwoordigheid
Van God se skepping juig jou gees!
Written by Louis van Niekerk on 20 December 2009
LvN Poetry 